VENRES DE EMOCIÓNS!!! O diálogo é a Paz!

Ola querid@s lectores/as!

Hoxe é venres de emocións e para seguir festexando o Día Escolar da Non-Violencia e a Paz neste venres de emocións presentámosvos unha curta moi especial.

Nesta curtametraxe déixanos ben claro e dunha maneira moi gráfica que sempre é mellor dialogar que impoñer a nosa opinión e a nosa forza. Unha curtametraxe de  Ruben  Hengesbach (Cataluña). Animación gañadora na  categoria  Curt  Senior do 3 er Concurso de Animacións pola Paz, organizado pola  Fundació  per a  Pau. esperamos que vos guste moito.

Feliz venres e feliz fin de semana.

Saúdos dos vosos amigos Punto e Coma.

Vémonos pola  biblio.

Amig@s de cores 3º EP

Ola queridos/ as lectores/ as.

A punto e a Coma encantounos a celebración do Día Escolar da Non-Violencia e da Paz. Encantáronnos os vosos recitados de poemas e as cancións que interpretastes. Sempre volo dicimos e seguimos repetíndoo: "sodes uns artistas".

O prometido é débeda, na entrada anterior prometémosvos seguir subindo vídeos de poemas, e agora é a quenda das clases de 3º de Primaria recitando un poema con temática de Paz e igualdade "Amigos de cores". 

Esperamos que vos guste moito e que o gocedes. Moitas grazas ao alumnado de 3º de Primaria polo seu gran traballo. 

Feliz día escolar da Non-Violencia e da Paz!

Lembrade estas palabras que vos din sempre Punto e Coma:

"Seguimos traballando, seguimos construíndo, por un mundo máis humano, por un mundo mellor".

Vémonos pola  biblio.

Poemas da Paz 4ºEP

Ola queridos/ as lectores/ as.

Punto e Coma estamos moi orgullosos do alumnado do colexio porque gravaron un precioso vídeo sobre poemas de paz, porque xa sabedes que hoxe celebramos o Día escolar da Non-Violencia e a Paz. 

Xa nos contou o  profe de música que tedes unhas cancións e uns poemas para cantar e recitar. Ides pasar xenial e sairavos de marabilla. Nós deixámosvos este vídeo pero tranquilidade, ao longo de toda esta semana iremos subindo máis vídeos porque isto non remata aquí, o resto de alumnado de 1º, 2º e 3º tamén se sumaron a recitar poemas. Querédelos ver? Pois estar moi atentos ao noso blogue.

Feliz Día escolar da Non-Violencia e da Paz.

Lembrade que na nosa  biblio seguides tendo unha serie de libros relacionados coa Paz para que os gocedes.

Un saúdo do vosos amigos Punto e Coma.

Vémonos pola  biblio.

Novidades na biblio! A PAZ

Ola  querid@ s lectores/ as!

Hoxe presentámosvos unha serie de novidades na nosa biblioteca sobre a celebración que estades a preparar en cada unha das vosas aulas: a paz. Por iso Punto e Coma deixámosvos no apartado de novidades, libros relacionados que poden ser do voso interese.

Podedes comentarnos máis abaixo cal é o voso libro, poema, canción.. preferido sobre a paz.

Un saúdo do voso amigos Punto e Coma.

Vémonos pola biblio.

                          

                          

1º VENRES DE EMOCIÓNS DO ANO!!! FELIZ 2020 AMIG@S

Ola queridos/ as lector@ s! Feliz ano novo!

Hoxe é o primeiro venres de emocións do ano e para celebralo Punto e Coma eliximos unha historia preciosa titulada "Bombas de paz" adiantándonos á celebración que levaremos a cabo a final deste mes de xaneiro. 

Bombas de paz é unha curtametraxe realizada por un grupo de nenos e nenas de  Benalup-Casas Vellas, premiado por Plural + e Reza  Academy para a ONU 2017.

Esperamos que vos guste moito e que o gocedes tanto como nós. Podedes ir lendo algún dos libros que vos deixamos esta semana no expositor da nosa  biblio relacionados con esta temática na sección de novidades.....xa subiremos fotos!

Boa fin de semana.

Vémonos pola biblio.

Un saúdo dos vosos amigos Punto e Coma.

CONTO DA PAZ DOS NEN@S DE 4º EI

DE CORES E DE AMORES
Ola queridos e queridas lectores/as!
Hoxe presentámosvos algo inédito, un conto gravado polos nenos/as de 4º de Educación Infantil!
Gustoulles tanto este conto que decidiron contalo na biblioteca na semana da Paz. Pero ocorréuselles facer unha gravación do conto. Aquí tendes o resultado final. Traballaron moito para facelo, así que esperamos que o disfrutedes moito.

Deixámosvos a ilustración do conto que o podedes atopar na nosa biblioteca para que o leades as veces que queirades. 

Animádesvos?

Un saúdo e vémonos na biblio!

DÍA DA PAZ, SEMPRE CON MÚSICA

Ola queridos/as lectores/as! Hoxe recomendámosvos desde a biblioteca este super CD do grupo Mamá Cabra. Todos/as coñecédelo. É a canción da PAZ deste ano! A danza da Paz! O pasado mércores os alumnos e alumnas de infantil e primaria xuntáronse para interpretarnos este baile e canción tan bonita! Bailaron e gozaron moitísimo! Hoxe desde a biblioteca queremos ofrecervos a posibilidade de poder ler este conto "A Bruxa Discordia", E para máis sorpresa dentro deste conto atópase un CD coa canción da Paz deste ano. Ademais leste libro CD gusta tanto tanto tanto que os alumnos/as de 3º A escollérono para contalo ao resto dos seus compañeiros na semana da Paz.

Que canción das do CD gustouvos máis? Podedes contárnolo máis abaixo en publicacións! Un saúdo e vémonos pola biblioteca.

Palabras descoñecidas

• Copiar

SEMENTANDO PAZ

Encántanos ver aos alumnos/ as de infantil e de primaria como se contan contos uns aos outros. Isto foi o que pasou a semana pasada na biblioteca....sesión de conta contos! Pasámolo moi ben e gozamos moitísimo escoitando aos compañeiros/ as. Todos e todas o fixeron xenial! Gustaríavos volver ler os contos que interpretaron? Pois non vos preocupedes que na biblioteca, no apartado de novidades e recomendacións deixámosvos os contos que cada clase interpretou! Cal foi o que máis vos gustou? Podedes comentar máis abaixo! Un saúdo a tod@s lector@s! Vémonos na biblio!

SEMANA DA PAZ

Xa estamos inmersos na celebración do día da Paz.Entre as actividades que imos a realizar están os contacontos da Semana da Paz.

Semana Da Paz

Publish at Calameo

MÁIS CONTOS DA PAZ

Os nenos de cuarto leron "Nadarín" aos rapaces de terceiro b.Aquí vemos neste video o ben que o fixeron.