Empezamos curso!

Ola a todos, nenos e nenas, profes, nais e pais, benvidos ao novo curso. Xa abrimos a biblioteca este mes cun gran éxito, moitos rapaces veñen na hora do recreo a facer consultas nos ordenadores e a disfrutar dos numerosos libros que poden leer na sala ou levar emprestados para casa. Xa tiñamos gañas de estar xuntos, nenos de diferentes aulas, e sin mascarillas no centro e na biblioteca. Este curso retomamos tamén a figura dos colaboradores de biblio, os rapaces de sexto que están encantados de poder emprestar libros a través do programa Meiga aos alumnos a partir de terceiro. Os máis pequenos miran os libros e suxiren a súa titora os que lles gustan para levar a súa aula. Esta semana fixemos as visitas guiadas aos rapaces de infantil, primeiro e segundo, coa idea de que saiban cales son os libros axeitados para eles e onde están. Ahí van algunhas fotos destes primeiros días:

      

Bo verán!

 Dende o Equipo de Biblioteca desexámosvos que pasedes un moi BO VERÁN!

MOITAS APERTAS!

;

VENRES DE ACHEGA: Lecturas recomendadas para o verán

 Bo día!

Xa respirando aires de verán e cos últimos impulsos e esforzos deste duro mes, queremos hoxe achegarvos o tríptico das lecturas recomendadas para o verán.

Dende a coordinación da biblioteca e de parte de todo o equipo, desexamos que esta selección sexa do voso agrado (están recollidas as últimas novidades das editoriais e outros títulos atractivos!).

Que gocedes moito con estes e/ou outros libros durante o verán.  E dicirvos tamén que algúns deles xa os temos na biblioteca preparados para o empréstito no curso que vén.

Moitas grazas por lernos, por seguirnos e por formar parte desta rede que tecemos xuntos.

Moitísimo ánimo para estes últimos días!

Con agarimo

;

VENRES DE ACHEGA: Visita do escritor Héctor Cajaraville

 Bo día!

Hoxe queremos achegarvos ao encontro literario desta semana na biblioteca: a visita de Héctor Cajaraville.  Si que é verdade que desta vez non tivo que alonxarse moito xa que, como sabedes, Héctor é profesor no noso centro.

Falou dun dos libros que escribiu e que foi lido nas aulas de 5º nivel, Kusuma, toda unha fábula con animais chea de ensinanzas.

Moitas grazas a Héctor polo encontro.  Coidamos que vos gustou moito!

Que pasedes unha boa fin de semana longa!

 

 

;