Paco Nogueiras en concerto!

Ola querid@s lectores/as!

Hoxe temos unha boa nova....Paco Nogueiras dará un concerto a través do seu instagram!

https://www.instagram.com/paconogueiras/

Podédelo ver en directo hoxe venres 20 de marzo ás 16:45h.

Espero que cantedes todas as cancións como facemos na nosa aula de música!

BRINCA VAI BRINCA VAI...... (@ que saiba como sigue, que comente abaixo)

Un saúdo e ánimo!

Venres de emocións! Que é o coronavirus covid-19?

Ola queridos/as lectores/as!
Os venres de emocións seguen, pensabades que Punto e Coma ían deixar de buscar vídeos para vós? Pois non!

Os próximos 14 días teremos que quedarnos na casa debido a expansión do coronavirus covid-19, non poderemos asistir a museos, bibliotecas... pero desde a casa podemos realizar distintas tarefas e visitar virtualmente estes lugares.
Para coñecer máis este coronavirus podedes consultar a páxina web da OMS ou neste vídeo de Happy Learning explícanvos.

Máis contos #ficanacasa O libro dos porcos.

Ola queridos/as lectores/as!

Hoxe propoñémosvos "O libro dos porcos".

Punto e Coma seguimos cunha iniciativa que se está a dar na maioría das bibliotecas escolares de Galicia #undíanacasaunconto e nós na nosa biblio non íamos a quedar atrás. 

Que opinades desta iniciativa? Podedes deixar o voso comentario máis abaixo.

Un saúdo de Punto e Coma.

            

Uns días diferentes....

Ola querid@s lectores/as!

Pois un luns, martes e mércores diferente dende logo...Punto e Coma estamos tristes porque o cole e a nosa biblio está baleira e botamos moito de menos os vosos aloumiños e as historias que nos contades cada día...

Pero nada de poñernos tristes, é o que toca!!! #Euquedonacasa

Nós seguimos actualizando o noso blog coma sempre e temos moitas ideas para estes días... comezamos con PANDEMIA DE CONTOS.

PANDEMIA DE CONTOS é unha inciativa que nace dende o Colectivo NOGA #narraciónoral galega  e comparten xenerosamente contos con todos nós para levar o mellor posible este #euquedonacasa que nos toca vivir.

Deixámosvos unha fermosa historia...hoxe comezamos por Sabes contar ata cero?

Un saúdo dos vosos amigos Punto e Coma.

Venres de emocións!! One vai one!!

Ola queridos/as lectores/as!

Hoxe é venres e coma tódolos venres son de emocións!

A curtametraxe de hoxe amósanos a un grupo de nenos e nenas que vive nun barrio de escasos recursos, pero que teñen un tesouro…a amizade. Comeza cun neno atopando unha pluma para colorear, a partir de aí…moitos momentos entrañables e cheos de vida!!! 

Escoitade ben a música...é fantástica!

Un saúdo dos vosos amigos Punto e Coma.

Boa fin de semana.

Vémonos poila biblio.

Gañadores/as concurso Rosalía!

Ola queridos/as lectores/as!

Hoxe na hora de ler a mestra Ana Palleiro entregou os diferentes premios aos gañadores/as do concurso "Canto sabes de Rosalía?". Punto e Coma estamos moi ledos e orgullosos destes nen@s que participaron e que están día a día pendentes do noso blogue. Noraboa nen@s! Estade atentos/as porque haberá máis concursos neste curso!

Un saúdo de Punto e Coma.

Vémonos pola biblio!

8 de marzo Día internacional da Muller

O Día Internacional da Muller é un bo momento para reflexionar acerca dos avances logrados, pedir máis cambios e celebrar a valentía e a determinación das mulleres do montón que xogaron un papel crave na historia dos seus países e comunidades.

O mundo logrou avances sen precedentes, pero ningún país alcanzou a igualdade de xénero.

Hai 50 anos, chegamos á Lúa; na última década, descubrimos novos devanceiros humanos e fotografamos un buraco negro por primeira vez.

Mentres tanto, existen restricións legais que impiden a 2 700 millóns de mulleres acceder ás mesmas opcións laborais que os homes. Menos do 25% dos parlamentarios eran mulleres en 2019 e unha de cada tres mulleres segue sufrindo violencia de xénero.

Fagamos que 2020 sexa un ano decisivo para as mulleres e as nenas en todo o mundo.

(Texto e vídeo extraído de https://www.un.org/es)

Ola queridos e queridas lectores/as!

Hoxe é un día especial e querémolo compartir con tod@s vós!

Nun día como hoxe só tres palabras imprescindibles para todas as mulleres:

IGUALDADE, DIGNIDADE E RESPECTO!

Venres de emocións! RUNAWAY!!!

Ola queridos/as lectores/as!

Hoxe é venres....e coma todos os venres son de emocións! 

Hoxe presentámosvos unha historia divertida e diferente que ten como protagonista a un frigorífico vello que entra en ataque de histeria cando pensa que vai a ser substituído por outro novo.

Unha curtametraxe que ademais de sacarvos un sorriso espero que vos sirva para repensar as relacións que establecemos cos obxectos que utilizamos. O debate está servido…¿tiramos ou reparamos?

Con todos vós…Runaway.

Espero que vos guste!!!

Un saúdo de Punto e Coma.

Vémonos pola biblio.

Novidades! 8 marzo Día da muller.

Ola queridos/as lectores/as!

Estes días tendes na nosa biblioteca as novidades pensadas para vós. O vindeiro 8 de marzo celebraremos o día da muller. Deixámosvos na biblio varios libros relacionados con este día, esperamos que vos guste. Podedes comentar máis abaixo cal é o voso preferido. 

Os vosos compañeir@s xa están a gozar destas novidades, estes días temos aforo cheo na nosa biblio. Punto e Coma estamos contentísimos de vervos a tod@s neste espazo adicado a gran aventura de ler.

Anímaste? Nós si!

Un saúdo de Punto e Coma.

                                             

                                          

                                              

                                              

                                          

Día de Rosalía De Castro

Ola queridos/as lectores/as!
Que ben o pasamos o venres cantando todos/as a canción  "No bico un cantar" do disco libro Uxía Rosalía pequeniña. Saliuvos xenial! Deixámosvos un pequeno vídeo de como quedou máis unha foto dos nenos/as de educación infantil facendo os puzzles desta gran autora como é Rosalía!
Feliz semana.
Un saúdo de Punto e Coma.
Vémonos pola biblio.