Venres de emocións!! One vai one!!

Ola queridos/as lectores/as!

Hoxe é venres e coma tódolos venres son de emocións!

A curtametraxe de hoxe amósanos a un grupo de nenos e nenas que vive nun barrio de escasos recursos, pero que teñen un tesouro…a amizade. Comeza cun neno atopando unha pluma para colorear, a partir de aí…moitos momentos entrañables e cheos de vida!!! 

Escoitade ben a música...é fantástica!

Un saúdo dos vosos amigos Punto e Coma.

Boa fin de semana.

Vémonos poila biblio.

Patios dinámicos!

Ola queridos/as lectores/as!

Hoxe presentámosvos un vídeo moi especial. O pasado xoves o tempo de lecer na hora do recreo foi espectacular, pasámolo xenial cos diferentes xogos propostos, pero sabedes cal foi o recanto que máis nos gustou a Punto e a Coma?

O recuncho dos soños!

Que espazo tan fermoso, que ben decorado e que cantidade de libros para desfrutar.

Cal foi o que vos gustou máis? Comentade máis abaixo se queredes máis patios dinámicos!

Cantos máis comentarios haxa, máis xogos pensaremos.

Un saúdo dos vosos amigos Punto e Coma.

Vémonos pola biblio.

VENRES DE EMOCIÓNS!!! O diálogo é a Paz!

Ola querid@s lectores/as!

Hoxe é venres de emocións e para seguir festexando o Día Escolar da Non-Violencia e a Paz neste venres de emocións presentámosvos unha curta moi especial.

Nesta curtametraxe déixanos ben claro e dunha maneira moi gráfica que sempre é mellor dialogar que impoñer a nosa opinión e a nosa forza. Unha curtametraxe de  Ruben  Hengesbach (Cataluña). Animación gañadora na  categoria  Curt  Senior do 3 er Concurso de Animacións pola Paz, organizado pola  Fundació  per a  Pau. esperamos que vos guste moito.

Feliz venres e feliz fin de semana.

Saúdos dos vosos amigos Punto e Coma.

Vémonos pola  biblio.

Amig@s de cores 3º EP

Ola queridos/ as lectores/ as.

A punto e a Coma encantounos a celebración do Día Escolar da Non-Violencia e da Paz. Encantáronnos os vosos recitados de poemas e as cancións que interpretastes. Sempre volo dicimos e seguimos repetíndoo: "sodes uns artistas".

O prometido é débeda, na entrada anterior prometémosvos seguir subindo vídeos de poemas, e agora é a quenda das clases de 3º de Primaria recitando un poema con temática de Paz e igualdade "Amigos de cores". 

Esperamos que vos guste moito e que o gocedes. Moitas grazas ao alumnado de 3º de Primaria polo seu gran traballo. 

Feliz día escolar da Non-Violencia e da Paz!

Lembrade estas palabras que vos din sempre Punto e Coma:

"Seguimos traballando, seguimos construíndo, por un mundo máis humano, por un mundo mellor".

Vémonos pola  biblio.

VENRES DE EMOCIÓNS "A amizade"

Ola queridos e queridas lectores/as!

Benvidos un venres máis ás emocións. Punto e Coma sabemos que estades a preparar o día da PAZ para a semana que vén, moitas cancións, moitos poemas, o valor da amizade, o respecto, a igualdade....por iso hoxe neste espazo presentámosvos unha curtametraxe moi especial....A AMIZADE!

Nun pobo pesqueiro abandoado, vive un solitario mariñeiro que soña cas súas viaxes a bordo do seu barco. Un día recibe unha visita inesperada; un paxaro ferido. O mariñeiro coidará del e xurdirá entre eles unha fermosa amizade.

Punto e Coma esperamos que vos guste e recordade...@s amig@s hai que coidalos!

Vémonos pola biblio e feliz fin de semana.

Punto e Coma