Gañadores/as concurso Rosalía!

Ola queridos/as lectores/as!

Hoxe na hora de ler a mestra Ana Palleiro entregou os diferentes premios aos gañadores/as do concurso "Canto sabes de Rosalía?". Punto e Coma estamos moi ledos e orgullosos destes nen@s que participaron e que están día a día pendentes do noso blogue. Noraboa nen@s! Estade atentos/as porque haberá máis concursos neste curso!

Un saúdo de Punto e Coma.

Vémonos pola biblio!

Día de Rosalía De Castro

Ola queridos/as lectores/as!
Que ben o pasamos o venres cantando todos/as a canción  "No bico un cantar" do disco libro Uxía Rosalía pequeniña. Saliuvos xenial! Deixámosvos un pequeno vídeo de como quedou máis unha foto dos nenos/as de educación infantil facendo os puzzles desta gran autora como é Rosalía!
Feliz semana.
Un saúdo de Punto e Coma.
Vémonos pola biblio.

24 de febreiro "Día de Rosalía de Castro"

Ola queridos/as lectores/as!

Que tal de vacacións de entroido? Pasástelo ben? Espero que gozando do Entroido e do bo tempo coma nós!

Sabedes que o pasado luns foi o día de Rosalía de Castro? Punto e Coma queremos lembrarvos e celebrar con todos vós o día dunha gran escritora como foi Rosalía de Castro que desde decembro ten un astro que leva o seu nome na constelación de  Ofiuco.

https://www.gciencia.com/ciencia/como-ver-estrela-de-rosalia/

Seguir practicando e ensaiando a canción de "No  bico un cantar"  do disco libro Rosalía  pequeniña.

Tamén animámosvos a que pasedes pola nosa biblioteca a ollar algúns dos libros que temos sobre esta gran muller!

Vémonos pola biblio.

Un saúdo de Punto e Coma.

Propoñémosvos un XOGO!

Ola queridos/as lectores/as!

Hoxe presentámosvos un xogo, a ver quen é capaz de superalo!

Saberiades responder a estas preguntas sobre Rosalía de Castro?

A continuación deixámosvos a ligazón á páxina web onde podedes xogar de forma en liña para practicar. Tedes de prazo ata o 21 de febreiro. Esperamos as vosas respostas na biblioteca. Moito ánimo e moita sorte a todos/ as. 

Que comece o xogo!

Podedes comentar máis abaixo quen realizou o xogo e cantas preguntas acertáchedes! 

Agradecer á páxina https://www.gciencia.com/ pola aportación. O portal GCiencia e a iniciativa 21 días co galego, impulsada pola profesora Pilar Ponte, son as dúas gañadoras do Premio Rosalía de Castro, que outorga a Deputación da Coruña, e que recoñece proxectos que promoven o uso do galego en todos os ámbitos.

Canto sabes de Rosalía de Castro?

Saúdos de Punto e Coma. Feliz xoves.

Vémonos pola biblio.