Para pechar o curso, o equipo da biblioteca e o club de lectura organizaron un roteiro literario arredor da obra de Antonio M. Fraga O bestiario científico de Anxos Nogueirosa. A actividade desenvolveuse no antigo Hospital de Oza da Coruña, escenario no que se sitúa parte da novela. Alí, o autor explicou a historia do lugar, que funcionou como lazareto e como sede das colonias escolares destinadas a nenos con problemas de saúde e desnutrición. A xornada resultou especialmente enriquecedora e permitiu pechar o curso cunha experiencia significativa e moi satisfactoria.
