Aniversario da Biblioteca Asunción Antelo: próximo luns!

O próximo luns 30/5/22 pola mañá, "A Xanela do Maxín" co espectáculo Toupiciencia.  👀💦💥😉

E pola tarde, recitado de poemas de Asunción.

Boa fin de semana!

;

VENRES DE ACHEGA: Mindfulness

 Bo día!

Algúns de vós xa experimentastes a semana pasada actividades dirixidas de Mindfulness: o estar coa atención plena no momento presente. 

Queda na biblioteca un libro sobre Mindfulness con tarxetas de actividades para acceso e consulta "in situ" para os e as que vos animedes a seguir practicando!

 

E aquí vos deixamos unha mostra desa tarde, onde saímos a facer actividades ao exterior co caderno sensorial Mindfulness que creamos.  Que ben o pasamos!👌

Boa fin de semana!

💚

Pincha no enlace abaixo 👇:

https://gopro.com/v/gvWP2rpZEq0er

;

 

VENRES DE ACHEGA: Visita da escritora Andrea Maceiras

Bo día!

Nesta semana, o luns 16 de maio, o alumnado e profesorado de 5º e 6º de E.P. recibimos a visita da escritora Andrea Maceiras na aula de usos múltiples de Secundaria.

Veu falarnos do libro que se leu nestes niveis: "A Folla Azul", do que tamén tedes mostra na biblioteca de Infantil e Primaria.  Ademais, tamén poidemos coñecer o argumento dalgúns doutros libros seus, como o recén publicado: "Alma de Elefante" (do que pronto nos faremos cun exemplar na biblioteca!).

Indicounos tamén a web onde podemos ver o resto de libros seus publicados e a orde en que foron escritos, pola que tanto preguntabades;)  www.andreamaceiras.com 

Despois foi o momento das sinaturas, personalizadas e cun bonito selo dun xaguar, lembrando algún dos animais que aparecen no libro "A Folla Azul".

Que marabilla a súa dozura e paciencia contestando a todas as preguntas!

Moitas grazas, Andrea, por este encontro e pola orixinal dedicatoria!

Apertas dende a biblioteca

;

 

 

Gañadorxs do Certame Asunción Antelo

 Bo día, queridxs lectorxs!

Presentámosvos a xs finalistas e gañadorxs do Certame artístico Asunción Antelo deste ano.  As creacións gañadoras están expostas no taboleiro de cortiza da entrada de Primaria.  Pasádevos a velas!

En canto poidamos, pasarémosvos tamén polo blog os contos e monográficos gañadorxs nun formato no que os poidades ler. 

 

Parabéns a todxs xs que participastes pola ilusión e o tempo invertido.  Animámosvos a seguir participando porque lembramos que nesta ocasión este era un concurso, pero o importante ao final son todas as creacións que fagades, porque con elas se APRENDE e se AVANZA!

Que teñades moi bo día!

Apertas

;

17 de maio, Día das Letras Galegas. Adicado este ano a Florencio Delgado Gurriarán

 Hoxe celebramos o Día das Letras Galegas.  O homenaxeado deste ano 2022 é Florencio Delgado Gurriarán.  Podedes indagar sobre el, aproveitando este día. 

 Apertas ;

Vídeo do Día do Libro

Ola, Equipo de Lectorxs!

Aquí tedes o vídeo do Día do Libro feito polo noso Equipo de TICs.

Que teñades boas lembranzas!

;