Un conto moi especial!

Ola queridos/as lectores/as!

Seguimos festexando a semana do libro e hoxe temos un conto moi moi especial feito con moito agarimo e ilusión para todos e todas vós. A Punto e a Coma encantounos! Témonos que poñer en contacto con cóntaas contos e contratalas porque cando a biblioteca volva abrir e volvámonos a ver, queremos un conta contos como o do vídeo en vivo e en directo. Vós/ as que opinades? Punto e Coma estamos a desexalo!

Un saúdo amigos/as. 
Xa queda un día menos para volver a vernos!

Unha sorpresa de 6º de Educación Infantil

Ola queridos/as lectores/as!

Hoxe temos un vídeo moi especial que nos mandou  a mestra Lorena para tod@s vós. Son os nen@s de 6º de Educación Infantil dándonos moito ánimo, enerxía e apoio para esta situación que estamos a vivir actualmente. A Punto e a Coma encantounos volver  vervos 😊.

Moito ánimo, un día máis, pero un día menos para volver a vernos. 👍

Un saúdo dos vosos amigos Punto e Coma.

XA TEMOS OS VÍDEOS DE VOZ NATURA!!!! Os plásticos!

Ola queridos/as lectores/as!

O prometido é débeda así que imos empezar a semana cos vosos vídeos que gravastes sobre os plásticos. A punto e a Coma encantáronnos, ademais como xa hai bastante tempo que non nos vemos seguro que vos gusta moito poder ver aos vosos compañeiros/ as.

Botámosvos moito de menos pero temos que seguir sendo fortes e manter o ánimo!

A gozar dos vídeos, esperamos que vos gusten!
Cal foi o que máis vos gustou?

Un saúdo dos vosos amigos Punto e Coma.

                   

3, 2, 1..... Mochilas Viaxeiras!

Ola queridos/as lectores/as!

Temos unha moi boa noticia que darvos: "as  MOCHILAS VIAXEIRAS xa partiron cara os diferentes fogares destes nenos/as!"



Os libros gustan da viaxe e da sorpresa, agardan nos andeis ou nos expositores por esa man que, ao abrilos,poña en funcionamento a maxia da lectura. A mochila viaxeira permitirá levar libros á casa para compartilos coa familia: ese conto que tanto nos gustou, ese libro de poemas que ten palabras fermosas, as imaxes dun álbum que tanto me abraiaron, esa música que fai bailar ás pedras, unha película, un libro que fala do tema que andamos a estudar...

A mochila viaxeira está pensada para que, desde a biblioteca escolar, se poida organizar unha actividade que implique ás familias, e así proporcionar un motivo de encontro entre os distintos membros desta, tomando como motivo o mundo dos libros e da lectura. A mochila é o soporte que permitirá aos rapaces e rapazas levar á súa casa, en préstamo temporal, uns materiais que reforcen o vínculo entre familia e escola no seu labor común para a formación dos lectores máis novos.

DRISFRUTADE MOITO COMPAÑEIR@S!!! 

Saúdos de Punto e Coma!
Vémonos pola biblio!

EXTRA EXTRA!!! COMEZAMOS UNHA NOVA AVENTURA CON SORPRESA INCLUÍDA!!!!

Ola queridos/ as lectores/ as!

Punto e Coma xa están de volta un curso máis. Como puidestes observar esta semana a biblioteca do centro de Educación Primaria xa abriu as súas portas para todos vós. Espéranos un curso de novas actividades, concursos, novos libros, películas... así que estades convidados a ir todos os recreos a gozar connosco.

Pero.......

queremos anunciarvos dun evento moi especial que vos vai a encantar. Os nosos compañeiros da Biblioteca Pública Municipal de Coristanco (edificio de usos múltiples) anunciaron que mañá día 3 de outubro ás 6 da tarde estará con todos vós Paco  Nogueiras co seu espectáculo "Radio  BULE  BULE" en concerto. Desde o colexio animámosvos a que vaiades e pasédelo moi ben cantando e bailando con el.

Imaxe extraída da conta oficial de  Instagram de Paco  Nogueiras

E isto é todo?

Claro que non! A Biblioteca Pública Municipal ten moitos máis eventos. Deixámosvos a noticia publicada hoxe no xornal, onde colaboran nesta iniciativa a  Deputación e o programa  Ler  Conta  Moito.

Noticia Voz de Galicia "Actividades mes Outubro"

Radio  Bulebule (mañá 3 de outubro)

Pakolas (4 de outubro)

Pablo Díaz (30 de outubro)

Magín Blanco (14 de novembro)

a ilusionista  Fani Triana (28 de novembro)

Circanelo (19 de decembro)

Esperamos que o gocedes moito.

Vémonos pola biblio, saúdos de Punto e Coma

1º Premio para 5º de Educación Infantil "Merendas saudables"

Bo día queridos/as lectores/as! Onte os alumnos/as de Educación Infantil, xunto coa súa titora Lorena recolleron o premio ao mellor traballo no certame "Cooperativismo no Ensino. 2019" na modalidade de actividades artísticas, dirixida ao alumnado dos centros de educación infantil, primaria e educación especial na Categoría A. O nome do traballo é "Merendas saudables". E para celebralo desfrutamos da actuación do "Teatro dos Ghazafelhos" unha obra de teatro xunto con música "O vendedor de fume" na que o pasamos xenial. Encantounos! Deixámosvos un resumo do día de onte! esperamos que vos guste!

Noraboa unha vez máis aos nenos/as de 5º de Educación Infantil!
Saúdos de Punto e Coma!